Made By Aysel

2014-cü ildən peşəkar olaraq bu sahədə çalışan Aysel Məmmədova vitrajlarında milliliyə üstünlük verərək günəşin rəmzi olan "buta", "miandra" adlanan su elementlərini, "tağlar" və "şəbəkə" naxışlarını təsvir edir. Azərbaycanda çay mədəniyyətinin əsas və vacib elementi olan armudu stəkan "By Aysel" brendinin milli ornamentləri ilə ən özəl hədiyyə ola bilər. Milli zövqlə bəzədilmiş armudu stəkanlar xüsusilə turistlərin maraq dairəsindədir. Lakin hədiyyə sahibinin zövqünə, özəl günün xüsusiyyətlərinə görə hədiyyənizi sifariş edə bilərsiniz. Bu zaman hədiyyənizin sizə özəl olması üçün verilən informasiyaya əsasən eskizlər hazırlanır və sizə göndərilir. Beləliklə, stəkanların hazırlıq prosesini yaxından izləyəcəksiniz.